Кўриниш

A
A
A
Кўриниш ўлчами
Шрифт ўлчами
Махсус имкониятлар
| Шахсий кабинетга кириш | Рус | O'zb | Ўзб | Eng

ЎЗБЕКИСТОН РЕСПУБЛИКАСИ

МАРКАЗИЙ САЙЛОВ КОМИССИЯСИ

Янгиликлар | Рўйхатга ўтиш

Марказий сайлов комиссияси томонидан ташкиллаштирилган семинар-тренингга доир

2019 йил 2-4 август кунлари Марказий сайлов комиссияси томонидан Ўзбекистон Республикаси Президенти ҳузуридаги Давлат бошқаруви академияси ва Тошкент давлат юридик университети ўқув аудиторияларида семинар-тренинглар ташкил этилди.


Тренингдан мақсад – жорий йил декабрь ойида Олий Мажлис Қонунчилик палатаси, Халқ депутатлари вилоят, туман ва шаҳар Кенгашларига бўлиб ўтадиган сайловларда сайлов комиссияси аъзоларини ўқитиш учун экспертлар ва тренерлар гуруҳини тайёрлаш, уларни сайлов қонунчилигидаги янгиликлардан хабардор қилишдан иборат бўлди.


Бунинг учун замонавий таълим технологияларини қўллаган ҳолда Давлат бошқаруви академияси билан биргаликда махсус ўқув дастури ишлаб чиқилди.


Ўқув дастурларининг 12 модулдан таркиб топган дарс жадваллари асосида ўтказилган амалий машғулотларга Адлия вазирлиги, Тошкент давлат юридик университети ва бошқа таълим муассасаларнинг масъул ходимлари ва профессор-ўқитувчиларидан иборат эксперт-мутахассислар тренерлар сифатида жалб этилди.


1 (2).JPG


Ўқув машғулотларида сайлов комиссиялари ва уларнинг ваколатларини амалда қўллаш, сайлов жараёни иштирокчиларининг мақоми, ҳуқуқ ва мажбуриятлари, сайловчилар рўйхатини шакллантириш борасида махсус ўқув дарслари олиб борилди.


Шунингдек, сайлов участкаларини жиҳозлаш, муддатидан олдин овоз бериш тартиби, сайлов куни бажариладиган вазифалар, сайлов натижаларини аниқлаш ва эълон қилишга оид кўникмаларни ривожлантириш ҳам машғулотлар кун тартибидан жой олди.


9.JPG


Тренинг жараёнида интерфаол суҳбат, гуруҳий муҳокамада қатнашиш, вазиятларни таҳлил қилиш, ролли ўйинлар, "ақлий ҳужум", кичик гуруҳларда ишлаш, баҳс-мунозара, психологик ва ривожлантирувчи машқлар ва тақдимот каби педагогик технологиялар орқали турли вазиятларда муаммоларни ҳал қилиш масалаларига ҳам эътибор қаратилди.


579A7169.JPG


Тренинг якунлари бўйича тингловчиларда сайловга оид қонунчилик ва сайлов жараёнида вужудга келадиган турли масалалар юзасидан зарурий билим ва кўникмалар ҳақида тушунчалар берилиб, сертификатлар топширилди.


579A6996.JPG


Таъкидлаш жоизки, мамлакатнинг барча вилоятларидан ташриф буюрган  400дан ортиқ эксперт-тренерлар ўқув машғулотларида ўзлаштирган билимлари асосида келгусида ўз ҳудудларида сайлов қонунчилиги ва уни ташкил этиш борасида тренинглар олиб борадилар.


579A7172.JPG


Ҳудудларда жорий йилнинг июль-декабрь ойлари давомида сайлов жараёнининг барча босқичларини қамраб олган ҳолда босқичма-босқич ўқув машғулотларини ўтказилиши давом эттирилади.

Марказий сайлов комиссияси 

Матбуот хизмати

126

06Август 2019



Долзарб мавзулар